寂寞、毒品

有贈券兩張，與兩老去了看《門徒》。戲不錯是意料中事，難得是有幾幕劉華竟然放得低——不再堅持有型靚仔，特別係在電器舖中大聲喝道：係佢地自己衰關我乜事？係佢地自己衰關我乜事？

無錯無錯，那一刻我覺得那個不是劉華，o的阿叔阿伯就係咁講野的，到了五六十歲，人通常變得好固執，突然遇上有人有事竟然違背朕意？當然容易燥狂了。我老豆就係咁款。

－－－
電影中吳彥祖問：究竟寂寞恐怖定係毒品恐怖呢？

問了兩次，開首一次，謝幕前一次。導演當然有答案，並在電影最後一幕交待了。

了解寂寞為何物的，大概不用嘗試過毒品，心裡都有了答案。別說毒品，人之所以做很多好蠢好蠢、好壞好壞的事，其實我想都可以用寂寞來解釋。賭錢、嫖妓、控制狂Control Freak、獨裁者……換個問題：孤獨終老恐怖，還是死亡恐怖？唔使問都知。

有幾幕、有幾句對白，其實爾東昇都行到邊緣去了，再多少少就肉麻，嘿，又好彩未出界跌落山！
－－－
睇完戲，我寧願問其他麻甩仔：你覺得張靜初靚，定係何美鈿粉紅三點式正？