蠢蛋

剛出道時不明白為何管理層當中總有一兩個蠢蛋，「乜都唔識，佢點升上來架？」

到近年才明白她/他之所以升，就是因為人夠蠢。做蠢人不會分析、所以不會反抗，簡單講就係夠聽話。自己都做過管理，明白員工stable的重要性，人才往往會問問題，甚至質疑你成個制度。

有人因為咁，決定做一個蠢人，即係聽聽話話搵餐飯算數喇。撇除自尊的因素，你係咪甘心去fulfill每星期的愚蠢決定？

所以我哥說：我家幾兄弟這副德性，這種血脈，一係做個頂咀的散仔，一係就做大老細。咁做頂咀散仔都可以好開心既。

－－－
打電話畀以前戰友Y，問到近況。佢話：唉，其實好唔開心。係咁畀人煮。

Y在新公司有其「市場專利」，即全公司得佢一個識呢瓣野，但就係因為得佢一個識，結果招來妒忌，無辜被直達天庭的某某中層指為「招積」。Y說：「慘，無得升職都算，本來都係諗住做個small potato，不過無惹人都被人搞，工作得很不開心。」她還提我不要把這事告訴別人。咁又係，分左手，梗係唔想畀舊情人（我老細）知道自己新戀情不快樂。

多談兩句，發現這個「廚師中層」（煮人o個個）原來自己唔係做開呢科，即係煮開西餐而家叫佢來煮中餐。我話：唉，所有戰爭都係由恐懼開始的。

因為怕被別人知道自己無料，怕被別人取替，所以發動戰爭，每間公司每段歷史幾乎都係咁。