神又係自己鬼又係自己

今日工作中突然有老友google talk我。「喂，我今日好鬼down。」

down乜鬼？（心諗：唔使做咩，唔使做我又down又曉寫詩添。）

「無乜原因架。」哈，理所當然咁答我。呢位當然係女人。

阿女人，我知你睇緊。我之後dum到你笑o個個古仔，其實我記憶有少少偏差，我家下對住本場刊，再抄一次。

話說兩個多星期前有朋友請睇陳輝陽個《十二金釵兩生花》，音樂呢，寫得ok，奏得好鬼差，無力無感染力，最正係有李香琴獨白啦。不過場刊有古怪，同一set 12個問題，十二個「導演」齊齊答。

當中我認為，卓韻芝就最知道女人係乜啦。

問題 3.你認為女人最大敵人是甚麼？
佢答：自己。

問題6.你認為甚麼會對女人造成最大的傷害？請說明。
佢答：當神又是自己鬼又是自己，女人就會慢慢搾乾自己。

老友聽到這裡，答我：哈哈。幾中。

係囉呵。

－－－－
如果你得閒，都可以答下自己，如果你用來寫blog請告訴我，我很有興趣看。（第1,2條不適用）

3.你認為女人最大的敵人是甚麼？
4.你想做一個甚麼類型或樣子長得怎樣的女人？
5.如果「美」是跟女人掛釣的話，那麼「美」是甚麼？
6.你認為甚麼會對女人造成最大的傷害？請說明
7.那一齣電影和那一首歌是你自己的縮影？
8.你做過那一件瘋狂的事情？
9.你覺得女人一生一定要做的事情是甚麼？
10.你做過那一件令你感到後悔的事情？
11.如果神現在坐在你身旁的觀眾之一，你希望祂為你解決甚麼問題？
12.如果人生走到盡頭的時候，你覺得一定要做過那一件事才算沒有白活過？

（有時間我想試下答…）