嘔～

其實唔係想寫政治架，不過一打開個新聞台就見到曾先生與民建聯攬頭攬頸，稱兄道弟的。仲有阿豉油黨，喂人地要高票當選製造人人擁曾假象先搵你o者。

黃霑說得好：「有人說，世上最髒的是政治與女人陰戶，但陰戶用香皂洗一洗，仍可清潔起來；政治卻是用漒水亦無法洗淨！」

第一場特首辯論（當時不叫辯論），梁家傑努力的演一個反對派，令我想起「扑傻瓜」，見頭就扑。小時候我與哥哥吵架常用這一招，後來有朋友看見我兄弟開戰，說「你兩兄弟都是機會主義者。」這當然不是煲獎。

最大鑊係第二場。

如今聽毓民，有少少咁多英雄遲暮，尤其他愈聲嘶力歇……不過佢周一節目中最有point一樣o野，就係（大意）：「如果你好似我以下咁講，咁我都會出來贊成你去參加小圈子選舉。不過你唔係喎，你真係當自己有機會贏！」

「段說話係咁講o既，教埋你：

『各位市民，我相信大家已經睇左兩次電視辯論，好清楚我同曾蔭權o既政綱，對我地有進一步的認認，你們當中，有些人認為我適合o的，又有人認為曾先生比我更加適合，但無辦法，你地都無辦法去投出你地心目中的特首，因為只有那八百個特權階級，先有權投票。對唔住，我係絕對不能當選既，你地係無權揀o既，無論我表演幾優越，都係絕對不能當選o既！

我之所以參加這個選舉，只係想將，這個小圈子的荒謬性，再一次呈現o係大家面前！令到大家，我地一定要一人一票選特首！所以，今日係三月十五日，呢個禮拜日，三月十八日，下晝三點一定要參與o係維園o既遊行！」

重聽處（第一節中段）

自己個政治任務係乜都未搞清楚。真係咪話o的女明星貪慕虛榮，做明星、在鎂光下，原來真係會上癮！