過新年，休息時間，三天假期睡了兩個午覺，完全是放肆。因為貫徹實踐補氣血的想法，一點也不內疚。而且，晚上又真的反而睡得不俗。
今晨大清早跟老父母去了車公廟一趟，基本上我並沒有宗教背景，只是想去轉轉那個風車，提提自己，決斷點，過點新生活。
看了ck老闆寫求神問卜，其實我沒有真實經驗，不過所知的真人真事，也可一談。
原則上，我認為人類是低科技動物，可笑的是以為自己是高科技。認識好一些科技迷信盲徒，他們認為今天科技解釋不到的事情，就不可信，也不值得存在。所以我們中國人古代認為是最高深的醫卜星相，他們都以為是糟粕。其實就如《人體手冊》談到中醫就如人體軟件般，以上國粹，你沒有適合的軟硬件，就算把電腦拆開，也是不會看到軟件的。依我看，一百年二百年後，事實是可以用另一個方法看到更多的吧。
不如談故事，故事永遠比理論動聽。
more than十年前，我剛畢業，對了，那是94年，正值世界盃，市道還很旺盛，心想不如看罷世介盃再找工作吧，我也忘了有沒有寄求職信。只是老人家看你天天在家裡，就看得很不順眼，特別是"女麻女麻"，我媽可能給她煩過吧，竟然去了看一個盲公，他叫盲公X我不曉得，只知道他在中環。花了五百元的結果，是盲公說：我將在十天（還是兩星期？）內找到工作，而工作的地點在對面海，公司名有個金字或水字。
我想：奇怪呀，我都沒有寄過幾封信。世界盃大概在七月十四日打完吧，我是打算之後才積極點的。
結果突然收到電話，叫我見工，而且一見之下，我七月十九日就返工了。公司是X洲X，位於九龍，洲字從水。這件事我告訴過幾個朋友，後來她們也去過，準不準倒沒有告訴我。
－－－－－－－－－－－－－－－
關於占卜，其實我知道是準得有點可怕的，所以活了半輩子，都沒有卜過。小時候看過何文匯那本《人鬼神》就略知一二了，你看何博士乜鬼正音都咁認真，真係擔屎都唔會偷食。我唔認為佢有老作的動機。
一個行家朋友A，與一位行走江湖的「風水佬」頗有交情，好朋友到風水師主動提議免費到他家幫他看看，不過他另有認識（不出名不走江湖）的風水朋友已幫他看過，還告訴他如果阿XXX來，就會叫你咁咁咁搬，然後咁咁咁，因為佢學O既係YYY派。結果XXX後來去了，以上猜的，全中！
A聽說XXX的風水功夫還可以，不過最厲害的是占卜。
有一年，XXX說替他卜一卜流年，然後告訴他：你今年呢，會先被人燉冬菇，然後咁咁咁（他沒有告訴我太詳細），不過人總收入一點都沒有減少。
未幾事情就開始發生了，A在不知情下，被架空權力，原來老細一早準好一組人接替他。對，是一組人把他的班底完全換過來！然後另外安排了一個新部門給他負責。這時候，連薪水都減了。
他心想：準都幾準，不過又話無減少收入？之後的事情卻讓他吃驚了，他因為新職位的關係，多認識的朋友找他寫外稿，又因為比較清閒，他竟然有空又有興趣把它們都接下了。到年底一計，收入又真的一毫子都沒少。
轉眼新年，風水師XXX問他去年卜得準不準？不如再卜時，他一口拒絕了。佢話：準成咁，又一O的都避唔到，都唔知卜來做乜？不錯，知道將來本來就是使人害怕的。
不過今年真係有少少想卜下，嘿嘿！
2007年2月15日星期四
大掃除
講番O的開心O野。
年廿八，要返工邊有得洗邋遢。呢，不過Bid到部靚野——Polaroid 180，全Manual Packfilm機，不用電，所以也不用像360等Auto機要改電，不過曝光/光圈就要靠經驗囉，即係靠估。根據朋友的經驗，部機/菲林的兼容度極大，點影衰極都有個限度。Packfilm機實在好玩，我等緊你坐飛機過來。
近年在地鐵站，見到在閘口等待的，大都是網上交易的陌生人。交貨、Check貨、畀錢，對我無用o者，點知又搵到新主人。
eBay實在係偉大發明，在我眼中，除左令大家尋得心頭愛促進貿易充滿商場Blah Blah Blah，成個Idea亦相當環保。買180的錢，其實就是在我客廳中清出來的「廢物」換取的，o個堆「垃圾」，人地熱切的送過來，其實擺o係廳中見到就眼冤。點知竟然有辦法，將堆「垃圾」放入去，等一等，一開出來竟然變成我的玩具！
2007年2月13日星期二
海報
「人生在世，最好玩係乜呢？」
呢個問題，某某期MM月刊梁老總寫過。佢個答案係：更係你自己個身體啦！
o岩，尤其呢幾年玩下拳，感覺更加深切。三十幾歲，hifi波子當然都好玩，但有乜精密無窮得過你個body又可以隨時隨地玩玩成世先？《一章椅子》作者趙廣超先生話：以前中國人，係全民皆醫的。又係，上兩代，都懂點醫理。遇事，總有點民間驗方叫你咁做咁做，唔會下下叫你食必X痛。趁仲扮到後生，研究下自己個皮囊點用好。
睇《人體使用手冊》有o的上癮，結果收工又去新華書城，多買一本，原來仲有八折，又剩番最後一本，順手搵下經絡圖，諗住掛o係牆上，等我今年好好學習幾條經絡位置，又記下心包經各穴位位置。
好記得以前睇戲見過，穴位經絡圖係好似武林秘笈咁，諗下，嘩，掛起房度都幾有新意o丫。頂，點知受得西醫/西方美術影響太多，張張都係現代西洋畫法，畫晒肌肉出來。肌肉都算，有o的連何B都畫得纖毫畢現。唉，我點貼O係房呢。左揀右揀，都揀左一幅無咁誇張的。$20大元三張，家下唔知貼唔貼出來好。最驚係嚇親上來幫我執屋個鐘點阿嬸嘛！
買O個張太肉酸唔貼出來。本來想搵呢類，結果梗係無啦。深圳會唔會有呢？
我房門貼左大大張Kate Moss著Agent Provocateur海報，或者應該換入房內。呢張o係AP網站搵到。我O個張，明明係呢個系列，點解人地張硬係靚O的o既？
呢個問題，某某期MM月刊梁老總寫過。佢個答案係：更係你自己個身體啦！
o岩，尤其呢幾年玩下拳，感覺更加深切。三十幾歲，hifi波子當然都好玩，但有乜精密無窮得過你個body又可以隨時隨地玩玩成世先？《一章椅子》作者趙廣超先生話：以前中國人，係全民皆醫的。又係，上兩代，都懂點醫理。遇事，總有點民間驗方叫你咁做咁做，唔會下下叫你食必X痛。趁仲扮到後生，研究下自己個皮囊點用好。
睇《人體使用手冊》有o的上癮，結果收工又去新華書城，多買一本，原來仲有八折，又剩番最後一本，順手搵下經絡圖，諗住掛o係牆上，等我今年好好學習幾條經絡位置，又記下心包經各穴位位置。
好記得以前睇戲見過，穴位經絡圖係好似武林秘笈咁，諗下，嘩，掛起房度都幾有新意o丫。頂，點知受得西醫/西方美術影響太多，張張都係現代西洋畫法，畫晒肌肉出來。肌肉都算，有o的連何B都畫得纖毫畢現。唉，我點貼O係房呢。左揀右揀，都揀左一幅無咁誇張的。$20大元三張，家下唔知貼唔貼出來好。最驚係嚇親上來幫我執屋個鐘點阿嬸嘛！
買O個張太肉酸唔貼出來。本來想搵呢類，結果梗係無啦。深圳會唔會有呢？
我房門貼左大大張Kate Moss著Agent Provocateur海報，或者應該換入房內。呢張o係AP網站搵到。我O個張，明明係呢個系列，點解人地張硬係靚O的o既？
2007年2月12日星期一
2007年2月10日星期六
Reading Reading
聽住電台新聞，又話旺角搵到兩隻禽流感雀雀。超，本人覺得，所謂禽流感及其未o黎到已經做成o既恐慌，係西方藥廠及各大全霉做成的。中醫話：SARS之前中國沒有瘟疫嗎？中國醫聖(兼第一個臨床中醫大宗師）張仲景就係生於瘟疫年代。人類o係地球咁多年，雀鳥又有幾次患過瘟疫呢？真係咁值得驚？（記憶中真係做成恐慌o既SARS出現前，反而無人作過警告）
西藥廠+全霉業，幾日內可以做成一間藥廠股價大升；甚至可以令中國藥材八角價錢大升。小弟對醫藥可能認知不足，但對全霉此邪教的影響力有一定認識。唔係話全霉幫佢地搵銀，因為全霉佬其實無你地諗得咁有腦，佢地腦中都只有短期利益——即係單新聞夠爆，吸引到人已經交足貨。
單料人地做咁大你縮三格咁細？找死！事實上，禽流感就算只有1%爆發，都係有機會爆發，等於世界末日/千年蟲，無事當然好，你講下左無人會怪你惟恐天下不亂的。
－－－－－－－－－－－－－－－－－－－－－－－－－－－－－－－－－－－－－－－－－－
睇書，睇書，大把時間睇書。
床頭一堆書，由地下lum到高過張床。結果又買過新書，唔知係咪個人太貪心定係唔定檔，又或是佢地唔夠吸引，好少書引到我一野睇晒佢。
呢個星期又買左兩本。第一本叫一章木椅。睇左四十頁就畀得十個推介。
作者由孟子一個古仔講起。話說有日孟子突然返家，佢妻子事前不知，孟子暗中一睇，嘩頂你o丫，我老婆點解伸開兩腿坐o架！於是決定休妻，返到屋企，老孟同老母講起此事，點知呢，畀老母教訓左一頓！話佢乘人不備，亂闖別人私人空間，才是無禮！
（古人幾講禮！孟子點會估到，到今日中國大陸的禮貌水平，竟然如此）
哈。太精采啦。本書就由坐姿起，講到中國人的度量衡，講解中國人點解咁坐叫做有禮，點解丈夫係丈夫（因為人長八尺，故曰丈夫。而金庸神鵰內裘千尺就講過：丈夫丈夫，一丈之內才是夫！後者當然是穿鑿附會），再講到何謂「正宗」。
佢話：
要好好看這本書。
有事覺得自己是愛買書多過愛看書，以後要改一下。相比下寫blog其實不那麼重要。
另一本是人體使用手冊，這是小弟認為幾正統的中醫理論書。此書在網上流傳已久，我懶得介紹了，聽過人講一排，近日得知有簡體版而且去一睇發現貨量甚足。又其實本書周圍都有得下載，原作者似乎也不大介意，佢仲寫左個blog。有興趣不妨去睇睇，睇完覺得o岩先買，簡體版o係灣仔新華書城賣$29本，我一次過買左三本。兩本送人。
西藥廠+全霉業，幾日內可以做成一間藥廠股價大升；甚至可以令中國藥材八角價錢大升。小弟對醫藥可能認知不足，但對全霉此邪教的影響力有一定認識。唔係話全霉幫佢地搵銀，因為全霉佬其實無你地諗得咁有腦，佢地腦中都只有短期利益——即係單新聞夠爆，吸引到人已經交足貨。
單料人地做咁大你縮三格咁細？找死！事實上，禽流感就算只有1%爆發，都係有機會爆發，等於世界末日/千年蟲，無事當然好，你講下左無人會怪你惟恐天下不亂的。
－－－－－－－－－－－－－－－－－－－－－－－－－－－－－－－－－－－－－－－－－－
睇書，睇書，大把時間睇書。
床頭一堆書，由地下lum到高過張床。結果又買過新書，唔知係咪個人太貪心定係唔定檔，又或是佢地唔夠吸引，好少書引到我一野睇晒佢。
呢個星期又買左兩本。第一本叫一章木椅。睇左四十頁就畀得十個推介。
作者由孟子一個古仔講起。話說有日孟子突然返家，佢妻子事前不知，孟子暗中一睇，嘩頂你o丫，我老婆點解伸開兩腿坐o架！於是決定休妻，返到屋企，老孟同老母講起此事，點知呢，畀老母教訓左一頓！話佢乘人不備，亂闖別人私人空間，才是無禮！
（古人幾講禮！孟子點會估到，到今日中國大陸的禮貌水平，竟然如此）
哈。太精采啦。本書就由坐姿起，講到中國人的度量衡，講解中國人點解咁坐叫做有禮，點解丈夫係丈夫（因為人長八尺，故曰丈夫。而金庸神鵰內裘千尺就講過：丈夫丈夫，一丈之內才是夫！後者當然是穿鑿附會），再講到何謂「正宗」。
佢話：
「正宗」，是意味著經過認真判斷，嚴格選擇及設立種種限制的形式。例如嚴格的音韻之於詩篇，經過選擇的活動的活動為運動興之所至會令人手舞足蹈；但西方的芭蕾舞卻選擇及限制主要在兩隻腳尖上進行，訓練時很吃苦，訓練的成果卻受到極大的推崇。
簡單地說，「正宗」是「別以為可以草率了事」的意思。
要好好看這本書。
有事覺得自己是愛買書多過愛看書，以後要改一下。相比下寫blog其實不那麼重要。
另一本是人體使用手冊，這是小弟認為幾正統的中醫理論書。此書在網上流傳已久，我懶得介紹了，聽過人講一排，近日得知有簡體版而且去一睇發現貨量甚足。又其實本書周圍都有得下載，原作者似乎也不大介意，佢仲寫左個blog。有興趣不妨去睇睇，睇完覺得o岩先買，簡體版o係灣仔新華書城賣$29本，我一次過買左三本。兩本送人。
2007年2月6日星期二
港漫
年尾工作好鬼忙，不過有少少撻番著個Engine感覺。其實我為人懶惰、貪心，不甘於把時間都放在同一事物上，忙碌後，發覺時間都只係花在工作其實幾難受。我唔係達文西，我做的，不是永垂不朽的蒙羅麗沙。
朋友告之，替出版社寫書，原作者只係收得番書價10%。一知道這事，我這兩天馬上買了兩本阿德的漫畫，算係支持下本地創作，雖然佢收得O個十幾蚊……香港其實好多叻人，只係呢條路太難行了。
另外另外，因為鄭健和，又買番$14簿裝打鬥港漫，《殺道行者》好熱血，令我諗番起少少中學時追《中華英雄》的年輕歲月……呢個o靚仔，可能係傳統港漫講故事NO.1或NO.2了。喜歡日漫的去買佢本創業作《火龍》啦，信和上一層間漫畫店有售。
標童話集1
本書其實係舊年書展出的，$88不算便宜吧，但係要買囉。禽日o係巴士度睇，一路睇一路陰陰嘴笑，坐對面o個少女用怪異眼光望住我！咩o者，你唔係未睇過o者！（書展時我見過有少女拿住本書騎騎笑，我仲話睇乜呀，咁好笑咩？）
另外買復刻版《錦鏽藍田》，以前揭過，但未睇晒。聽講呢本dark好多。阿德是另一個講古奇才。
朋友告之，替出版社寫書，原作者只係收得番書價10%。一知道這事，我這兩天馬上買了兩本阿德的漫畫，算係支持下本地創作，雖然佢收得O個十幾蚊……香港其實好多叻人，只係呢條路太難行了。
另外另外，因為鄭健和，又買番$14簿裝打鬥港漫，《殺道行者》好熱血，令我諗番起少少中學時追《中華英雄》的年輕歲月……呢個o靚仔，可能係傳統港漫講故事NO.1或NO.2了。喜歡日漫的去買佢本創業作《火龍》啦，信和上一層間漫畫店有售。
標童話集1
本書其實係舊年書展出的，$88不算便宜吧，但係要買囉。禽日o係巴士度睇，一路睇一路陰陰嘴笑，坐對面o個少女用怪異眼光望住我！咩o者，你唔係未睇過o者！（書展時我見過有少女拿住本書騎騎笑，我仲話睇乜呀，咁好笑咩？）
另外買復刻版《錦鏽藍田》，以前揭過，但未睇晒。聽講呢本dark好多。阿德是另一個講古奇才。
2007年2月5日星期一
返去訓覺
無啦啦訓到5點幾訓唔番，奇怪。跟據科學常識講話：臨天光應該係rapid eye movement出現最恆常o既時間，亦係發夢o既時候囉，應該最好訓。平日我一年平均失眠一日，唔知呢一日計唔計入07年數。
可能唔慣放假無乜野做，淨係匿o係屋企睇下書、碟。買左套《大國堀起》都未開始，始終睇紀錄片唔係prison break，無咁大癮。要做番o的運動喇。今年要練番好個身體，再醫番個靈魂。
寫完一段古仔希望訓得番。
---------------------------------------------------------------------------------------
又來個警察故事。姨丈話，凶殺案最易查，綁架案最難查。後者當然係指「支參」未放之時。
而我估計，若果你認識警察高層，相信查案會再易o的。尤其聽埋呢個古仔。又不過，我屋企咁耐都無煩過姨丈喎。咁大個人我入過差館兩次，一次係阿媽被人呃：4-5年前，突然o係office收到個電話，對方等你先出聲：家母唔知點解認定呢個係我，就叫我個乳名，對方即刻有反應，好緊急咁話等錢用，畀個戶口號碼你即刻幫我入筆數。
係呀，警訊成日講o個隻。當年無咁流行呢種方法o既。不過又work喎。用我個名當然要我去落口供，去到差館，我好記得，牆上黑板寫住疑犯個名，我落完口供就問，阿sir，其實係咪已經有疑犯呢？阿sir話：有。因為你媽咪唔係第一個，但仲要有齊證據，問埋律政師先知控唔控告佢。結果返到屋企，三兄弟每人夾番一萬蚊畀老媽，細細聲笑左佢兩句——佢好肉痛嘛，而且係我幾個畀錢，咪笑細聲o的囉。呢件事就咁完左，無錯，一直並無拉到人，有戶口拿錢竟然都拉唔到人。
後來媽說，差人有打過畀佢，話證據不足喎。我幾個太忙，無講畀我知。但我估，若果我打去投訴下會有用的。差人都要壓力先會落力架。
-------------------------------------------------------------------------------------
講番個古仔。又係80年代早期。主角係尖沙嘴某某名醫，姨丈無開名，只係話佢幾代都行醫，出名又有家底咁。
名醫o係東英大廈（已拆）放工，一落樓佢覺得有人跟佢，然後o係樓梯轉角位，一輪急步聲之下，佢突然覺得有人走埋來。一轉身，真係有人想撲埋來！佢紮好個馬諗住同佢死過，對方卻突然改變主意，見事敗，轉身而去。
佢覺得好似唔似係打劫。
咁點算呢？佢未遇過呢種事。結果去左警署報案，報案中心女警話：喂，係打劫你又無損失，咁唔係打劫係乜呢，無事咁點落簿呀？好無癮，惟有返屋企。
第二日，佢要去浸會醫院。去完一落樓，又覺得有人監視佢。佢好驚，即刻開車走，咁點算呢？結果又去左九龍城警署報案中心，點知個阿sir有同佢講同一番說話，仲話佢「醫生，你太多野做精神張o者，疑神疑鬼。返屋企訓下啦！」惟有返屋企。
但佢覺得唔係自己疑神疑鬼。佢記得朋友中，有人認識警察。就托朋友問意見，結果幾個電話下打左畀我姨丈。
姨丈一聽：喂，老友，有人想綁架你喎！嚇到個醫生死。「唔係下化，咁點算？」「你返去，繼續做野，得喇我會做野喇。」
醫生好驚。都惟有繼續開工，之後兩三日都沒事發生，那幫人好像消失了。
又過了幾天，這一日收工時他一開車出尖沙嘴，出面突然殺出一架van仔攔路，上面跳出4-5名大漢，一手拉佢上車。「嘩，救命，個差佬又話做野o既？」佢諗住死緊、正咒罵全港差人之際，唔知o係邊突然跳左成10個差人出來。姨丈話：明知有人想綁架，當然搵左人24小時保護佢啦。結果醫生當左佢係救命恩人，又話要畀錢佢多謝佢又話要請食飯，錢當然唔收得，但飯好似食左，兩人做了好朋友。而o個兩個落口供o既差人，一人收番一個warning要寫報告。「有經驗o既一聽都知係綁架啦，你叫人返去訓覺?!」佢話，做野最緊要有心，收到。
寫完，我就真係乜事都無。希望我都返去訓覺，兩粒鐘都好。
可能唔慣放假無乜野做，淨係匿o係屋企睇下書、碟。買左套《大國堀起》都未開始，始終睇紀錄片唔係prison break，無咁大癮。要做番o的運動喇。今年要練番好個身體，再醫番個靈魂。
寫完一段古仔希望訓得番。
---------------------------------------------------------------------------------------
又來個警察故事。姨丈話，凶殺案最易查，綁架案最難查。後者當然係指「支參」未放之時。
而我估計，若果你認識警察高層，相信查案會再易o的。尤其聽埋呢個古仔。又不過，我屋企咁耐都無煩過姨丈喎。咁大個人我入過差館兩次，一次係阿媽被人呃：4-5年前，突然o係office收到個電話，對方等你先出聲：家母唔知點解認定呢個係我，就叫我個乳名，對方即刻有反應，好緊急咁話等錢用，畀個戶口號碼你即刻幫我入筆數。
係呀，警訊成日講o個隻。當年無咁流行呢種方法o既。不過又work喎。用我個名當然要我去落口供，去到差館，我好記得，牆上黑板寫住疑犯個名，我落完口供就問，阿sir，其實係咪已經有疑犯呢？阿sir話：有。因為你媽咪唔係第一個，但仲要有齊證據，問埋律政師先知控唔控告佢。結果返到屋企，三兄弟每人夾番一萬蚊畀老媽，細細聲笑左佢兩句——佢好肉痛嘛，而且係我幾個畀錢，咪笑細聲o的囉。呢件事就咁完左，無錯，一直並無拉到人，有戶口拿錢竟然都拉唔到人。
後來媽說，差人有打過畀佢，話證據不足喎。我幾個太忙，無講畀我知。但我估，若果我打去投訴下會有用的。差人都要壓力先會落力架。
-------------------------------------------------------------------------------------
講番個古仔。又係80年代早期。主角係尖沙嘴某某名醫，姨丈無開名，只係話佢幾代都行醫，出名又有家底咁。
名醫o係東英大廈（已拆）放工，一落樓佢覺得有人跟佢，然後o係樓梯轉角位，一輪急步聲之下，佢突然覺得有人走埋來。一轉身，真係有人想撲埋來！佢紮好個馬諗住同佢死過，對方卻突然改變主意，見事敗，轉身而去。
佢覺得好似唔似係打劫。
咁點算呢？佢未遇過呢種事。結果去左警署報案，報案中心女警話：喂，係打劫你又無損失，咁唔係打劫係乜呢，無事咁點落簿呀？好無癮，惟有返屋企。
第二日，佢要去浸會醫院。去完一落樓，又覺得有人監視佢。佢好驚，即刻開車走，咁點算呢？結果又去左九龍城警署報案中心，點知個阿sir有同佢講同一番說話，仲話佢「醫生，你太多野做精神張o者，疑神疑鬼。返屋企訓下啦！」惟有返屋企。
但佢覺得唔係自己疑神疑鬼。佢記得朋友中，有人認識警察。就托朋友問意見，結果幾個電話下打左畀我姨丈。
姨丈一聽：喂，老友，有人想綁架你喎！嚇到個醫生死。「唔係下化，咁點算？」「你返去，繼續做野，得喇我會做野喇。」
醫生好驚。都惟有繼續開工，之後兩三日都沒事發生，那幫人好像消失了。
又過了幾天，這一日收工時他一開車出尖沙嘴，出面突然殺出一架van仔攔路，上面跳出4-5名大漢，一手拉佢上車。「嘩，救命，個差佬又話做野o既？」佢諗住死緊、正咒罵全港差人之際，唔知o係邊突然跳左成10個差人出來。姨丈話：明知有人想綁架，當然搵左人24小時保護佢啦。結果醫生當左佢係救命恩人，又話要畀錢佢多謝佢又話要請食飯，錢當然唔收得，但飯好似食左，兩人做了好朋友。而o個兩個落口供o既差人，一人收番一個warning要寫報告。「有經驗o既一聽都知係綁架啦，你叫人返去訓覺?!」佢話，做野最緊要有心，收到。
寫完，我就真係乜事都無。希望我都返去訓覺，兩粒鐘都好。
2007年2月4日星期日
皇后碼頭
你記得皇后碼頭的甚麼？
其實皇后碼頭沒有特別給我帶來甚麼回憶。
我只記得皇后碼頭是電影中的重要場景：大佬講數呀（咁多人經過係度講數喎:p ）、等人呀（我相信70年代那一代，會約人O係大會堂/皇后碼頭等的多）、跳海呀（80年代的電視好鍾意跳海，然後主角跟住跳落救佢，我估：係因為有樓梯易救O的所以揀呢處O卦）。但對我個人來說，我在這裡沒做過些甚麼。
反拆皇后，個人來說，除了「保育」，我估多少係因為反曾特首。粗略印象，原來唔喜歡他的人比我想像的多。
舊天星做過的當然比較多。最鍾意坐$1.7低層船去尖嘴，涼冷氣太多，吹海風特別爽，而且中環/尖嘴本來都有巴士站接駁。而如今尖嘴個巴士總站都話要搬咯……拆拆拆，拆拆拆。學《血鑽》講T.I.A. （THIS IS AFRICA），我地惟有講T.I.H.K.（THIS IS HONG KONG.）
上兩星期經過，用Polaroid Packfilm 360拍了這幾張。（沒有scanner，隨手翻拍失真太多了）
我的transformer
360 packfilm相機，最平十零蚊部，好狀態的幾十蚊（美金），carl zeiss疊影對焦，極好玩。有得變形又有得影相、等相、摵相、燒錢，一次唔只滿足我三個願望。
其實皇后碼頭沒有特別給我帶來甚麼回憶。
我只記得皇后碼頭是電影中的重要場景：大佬講數呀（咁多人經過係度講數喎:p ）、等人呀（我相信70年代那一代，會約人O係大會堂/皇后碼頭等的多）、跳海呀（80年代的電視好鍾意跳海，然後主角跟住跳落救佢，我估：係因為有樓梯易救O的所以揀呢處O卦）。但對我個人來說，我在這裡沒做過些甚麼。
反拆皇后，個人來說，除了「保育」，我估多少係因為反曾特首。粗略印象，原來唔喜歡他的人比我想像的多。
舊天星做過的當然比較多。最鍾意坐$1.7低層船去尖嘴，涼冷氣太多，吹海風特別爽，而且中環/尖嘴本來都有巴士站接駁。而如今尖嘴個巴士總站都話要搬咯……拆拆拆，拆拆拆。學《血鑽》講T.I.A. （THIS IS AFRICA），我地惟有講T.I.H.K.（THIS IS HONG KONG.）
上兩星期經過，用Polaroid Packfilm 360拍了這幾張。（沒有scanner，隨手翻拍失真太多了）
我的transformer
360 packfilm相機，最平十零蚊部，好狀態的幾十蚊（美金），carl zeiss疊影對焦，極好玩。有得變形又有得影相、等相、摵相、燒錢，一次唔只滿足我三個願望。
2007年2月3日星期六
我會寫好呢個blog！
點解可以度出一條咁seven o既slogan o既呢？
你之前唔係日日都咁諗架咩?
又點解咁seven都鐵定可以贏o既呢？
點解我地無得揀，又唔知幾時/呢世人有無得揀？
又點解你可以笑得咁牽強o既呢？
你講為香港人做o的乜，乜唔係需要誠意，點解一路講一路要提自己要笑？
阿孟子話：民為貴，社稷次之。
我地係你老細。
如果我聽日返去同我老細講，我會盡力做好份工，我估我老細會問我：乜你平日唔係咁諗咩？
我覺得老細有許多不足，但佢都識講：你地幫我諗下，有乜新idea，可以點樣搞好間公司。
於是我成日諗，廢話就同同事講，唔好同老細講。
跟手你同我（即係你老細）講：我要搞好保育、搞好孕婦產子……
呢o的o野你平時都要做o架啦。
即係我同老細講：o拿，我聽日起唔遲到，你續我五年約啦。
點知曾生你竟然同我示範一次：講廢話，仲有獎賞。
如果我有老婆，我返去同佢講：我要做個好老公，我諗佢會以為我o岩o岩出去滾完。
但我無。我個ex，大家一齊時我甚至有半年無同佢講「我愛你」。
我唔覺得呢句係廢話，不過我諗做好過講o卦。不過佢應該feel唔到，撇左。
---------------------------------------------------------
我寧願講：我要寫好呢個blog！
不過我唔知會寫幾耐。有癮咪寫囉。
我又想：
我會X好呢XX呢？填充題，但原來我填唔到。
「做好呢份工？」諗，然後做咪得囉。
「我想打好套拳？」同自己講好了。同師兄講，佢一掌彈我去十呎外，「會？幾時先會？」
我唔知點樣「買好o的o的股票」，我覺得已經盡做了。
我諗來諗去，都係想買多O的#5，如果平就買多O的#2628、#941。其他都唔想買。
蔡Tony話：
呢兩句說話在我心中，縈繞不散。
係囉，買乜股票咪知你係乜性格囉。投資係學做人囉。
鍾意乜人你咪知自己乜性格囉，缺少乜囉。談戀愛咪就係學做人囉。
不過往往都有人嗌止蝕，人先知衰。
股票好彩無衰過。不過兩者我寧願揀衰股票喎。
－－－－－－－－－－－－－－－－－－－－－－－－－－－－
我諗緊我應該做少o的乜，而唔係做好o的乜。
睇《血鑽》，震撼。女記者說：「係呀係呀，我地美國人，來採訪難民，影埋咁多咁多好慘o既相，返到美國報道畀大家睇，其實都係o係度消費緊非洲人的慘事。我地改變到o的乜咩？我地明知乜都改唔X到！」到肉，肥佬黎常明言，大眾需要的是情緒上的宣洩，當我地睇頭條新聞，今日消費完大眾朝拜iPhone，聽日又可以消費踩單車的被貨櫃撞死。「嘩，好慘呀！」講完，午餐繼續去食牛扒，然後放工去唱K買波鞋買衫Download新歌。
鑽石又係消費品，新聞係消費品，足球又係消費品。有o的人：愛情都係，而且係消耗品。
仲有乜唔係消費品？
而且可以伴我終老？
生活上，可以減少一些甚麼呢？
特別是當我看過曹仁超上兩星期寫：
環保是甚麼呢？
有一年，在廁所抹手紙架上看到這一句：take what you need。
理性當然係咁，不過人性會恐懼，無緣無故的恐懼。無人管（得到）可以咪搶囉。
Yoda話：Fear leads to anger, anger leads to hate, hate leads to suffering.
戀愛又係咁，打仗又係咁。
美國人其實好可憐，見到個公仔唔明點解，都可以做成恐慌。
於是宗教，好的宗教都講Peace of Mind吧。
也許今年除了正準備學背的金剛經，有空該重讀聖經。
諗諗。試試。雖然不能改變甚麼。
但我會少一點bad feeling吧。
你之前唔係日日都咁諗架咩?
又點解咁seven都鐵定可以贏o既呢？
點解我地無得揀，又唔知幾時/呢世人有無得揀？
又點解你可以笑得咁牽強o既呢？
你講為香港人做o的乜，乜唔係需要誠意，點解一路講一路要提自己要笑？
阿孟子話：民為貴，社稷次之。
我地係你老細。
如果我聽日返去同我老細講，我會盡力做好份工，我估我老細會問我：乜你平日唔係咁諗咩？
我覺得老細有許多不足，但佢都識講：你地幫我諗下，有乜新idea，可以點樣搞好間公司。
於是我成日諗，廢話就同同事講，唔好同老細講。
跟手你同我（即係你老細）講：我要搞好保育、搞好孕婦產子……
呢o的o野你平時都要做o架啦。
即係我同老細講：o拿，我聽日起唔遲到，你續我五年約啦。
點知曾生你竟然同我示範一次：講廢話，仲有獎賞。
如果我有老婆，我返去同佢講：我要做個好老公，我諗佢會以為我o岩o岩出去滾完。
但我無。我個ex，大家一齊時我甚至有半年無同佢講「我愛你」。
我唔覺得呢句係廢話，不過我諗做好過講o卦。不過佢應該feel唔到，撇左。
---------------------------------------------------------
我寧願講：我要寫好呢個blog！
不過我唔知會寫幾耐。有癮咪寫囉。
我又想：
我會X好呢XX呢？填充題，但原來我填唔到。
「做好呢份工？」諗，然後做咪得囉。
「我想打好套拳？」同自己講好了。同師兄講，佢一掌彈我去十呎外，「會？幾時先會？」
我唔知點樣「買好o的o的股票」，我覺得已經盡做了。
我諗來諗去，都係想買多O的#5，如果平就買多O的#2628、#941。其他都唔想買。
蔡Tony話：
投資，其實係性格o既延申，你係乜人就會買乜。
佢又話：投資，要right for the right thing。
right for the wrong reason都係唔得o架。
呢兩句說話在我心中，縈繞不散。
係囉，買乜股票咪知你係乜性格囉。投資係學做人囉。
鍾意乜人你咪知自己乜性格囉，缺少乜囉。談戀愛咪就係學做人囉。
不過往往都有人嗌止蝕，人先知衰。
股票好彩無衰過。不過兩者我寧願揀衰股票喎。
－－－－－－－－－－－－－－－－－－－－－－－－－－－－
我諗緊我應該做少o的乜，而唔係做好o的乜。
睇《血鑽》，震撼。女記者說：「係呀係呀，我地美國人，來採訪難民，影埋咁多咁多好慘o既相，返到美國報道畀大家睇，其實都係o係度消費緊非洲人的慘事。我地改變到o的乜咩？我地明知乜都改唔X到！」到肉，肥佬黎常明言，大眾需要的是情緒上的宣洩，當我地睇頭條新聞，今日消費完大眾朝拜iPhone，聽日又可以消費踩單車的被貨櫃撞死。「嘩，好慘呀！」講完，午餐繼續去食牛扒，然後放工去唱K買波鞋買衫Download新歌。
鑽石又係消費品，新聞係消費品，足球又係消費品。有o的人：愛情都係，而且係消耗品。
仲有乜唔係消費品？
而且可以伴我終老？
生活上，可以減少一些甚麼呢？
特別是當我看過曹仁超上兩星期寫：
中國人漸富起來，肉食增加，一頭一千二百磅牛每天食量三十五磅或一年一萬三千磅，足夠養活十個成年人。大家知唔知道生產八盎斯牛排，要耗水六千六百加侖？中國人增加肉食，加上種植面積減少，中國已開始入口糧食，2007年全球必須增產一億三千六百萬噸穀物，才能滿足中國人增加需求。2001年中國開始大量入口礦產及能源，礦產及能源價格便大升；擔心去年下半年起亦因此令全球榖物價上升，並由玉米擴散到其他五糧。
慳電膽（Florescent或LED發光管）用電量係普通燈膽5％至25％，耐用程度大十倍，但係卻唔流行，因為售價較昂貴。沃爾瑪百貨公司計劃改變消費者行為，希望今年售出一億個慳電膽（較去年大增50％），方法係大量入貨、廉價出售。如沃爾瑪百貨成功，美國人電費支出每年可節省三十億美元（或可少建幾間電廠，足以供應四十五萬家庭用電）。如人人用日本車，可令美國人汽油用量減少一半……。由此可見，所謂「石油危機」完全係由人類浪費製造出來，只要改用慳電膽、改日本車，石油立即供過於求。如全球大城市改用集體運輸工具（如地鐵、巴士），少汽車，油價不跌至三十美元一桶才怪！不過，石油大好友皮肯斯認為，今年平均油價應在七十美元，理由係唔相信人類可改變壞習慣，因浪費乃人類天性。雖然去年佢石油市場已損失六億美元，但佢自信今年可賺突。
資本主義與共產主義之爭已超過一百年。信奉共產主義者認為財富係透過勞動產生，因此人人都應均分財富，有如雨水落在窮人同富人身上一樣，冇多少之分。但資本主義信徒認為，雖然雨水落下來是一樣，但點樣收集雨水卻不一樣，如何分配雨水更加不一樣……。
高盛、美林、美亞、雷曼兄弟及大摩五大證券行員工，去年收入六百億美元（其中二百四十億美元係年底花紅）；反之，八千萬越南人去年全年收入不足五百億美元，唔及美國五大證券行員工！信奉共產主義者認為，上述財富分配係唔公平，因此要搞革命；革命成功了，但全球財富進一步集中在資本家手中，奈何！原來世上連雨水都唔係平均分配（有Ｄ地方太多、有Ｄ地方乾旱）。
環保是甚麼呢？
有一年，在廁所抹手紙架上看到這一句：take what you need。
理性當然係咁，不過人性會恐懼，無緣無故的恐懼。無人管（得到）可以咪搶囉。
Yoda話：Fear leads to anger, anger leads to hate, hate leads to suffering.
戀愛又係咁，打仗又係咁。
美國人其實好可憐，見到個公仔唔明點解，都可以做成恐慌。
於是宗教，好的宗教都講Peace of Mind吧。
也許今年除了正準備學背的金剛經，有空該重讀聖經。
諗諗。試試。雖然不能改變甚麼。
但我會少一點bad feeling吧。
訂閱：
文章 (Atom)