搶迫金

被搶迫左好幾年，第一次log-in網站。之所以知道是第一次，是因為翻查舊物，在公民袋中找到這一堆資料，上面寫明：第一次log-in需要改密碼。果然！

由於強迫金講明要6X歲退休先用得，因此一向無理，仲成日諗住：超，你畀我揀，公司陪我一齊供匯豐好過啦。我只記得揀左一半係亞洲定中國股票基金。

原來真係自願性質，全部100%揀左亞洲股票基金。現價：保本$11.8408、美元儲蓄$11.1020、港元儲蓄$10.9410……其他都係$10-$15，香港股票基金係$20.4279，亞洲股票基金係$33.4695！嘿嘿～

我仲無聊到check佢個基金走勢～～（有排先關我事～203X年，到時唔知蒙主寵召o左未～）

其實05年已經高過而家o的保本基金50%。長線係波幅大（但我鬼得閒理你咩！），但升勢（似乎）持續。