酷與壞

再在電腦播放麥二公仔的大碟，覺得自己有o的mean。:P

都幾多o野聽呀？（係），都幾有誠意呀？（又係），廣東碟來講好好製作好難得？（都同意喎，不過聽十次左右夠皮了）

用電腦聽還好，用discman加個靚少少的耳筒總覺得砂石太多。

－－－－
這個年代styling太重要了。沒有style就就很難賣了。演員時代嘛。

初級的styling當然是襯下衫，高級點就要全盤包裝。那styling其實就是marketing嘛！如果我是「笨事兒」的「孖劇亭」，Juno要賣甚麼好呢？靚仔？深情？勁舞？時尚？都不夠嘛。

型是一定要的。現代流行的「型」，其實是cool嘛。本質上甚麼是cool呢？

二十歲之前我認為Cool是很Cool的，後來發現Cool其實不很Cool，又後來，《Almost Famous》教懂我Uncool一個字。

美國仔興講Cool，原因不外：
1.他們言詞缺缺，任何好事物都稱為Cool。
2.Cool 是潮流。現代人太安全，太安全所以誤會生活太蒼白。有膽者惟有玩命（eg. X-game、o拍丸、食白粉)、無膽者玩慢性傷害自己（消耗健康），輕者幾日唔訓、界手、喝可樂、吃西藥等等，重者你我無法想像，未能盡錄。何謂Cool？即係I don't give a damn（我乜X都唔理）。痛？我唔Care喎。唔健康？嘩，老野收爹啦。會死人？唏，邊有咁易，樣樣都諗過先行開啦！


－－－－
除了Cool，深層一點的styling要在心理上，其中一招，叫做壞。

學國語時，台灣人教我：男人不壞，女人不愛。壞男人向來有市場，而且是niche market。o岩晒，咁外形無理由揀做劉德華扮大俠。做壞人，姦淫擄掠都好，總得有個理由，但寫得太仔細又欠了幻想。最佳的理由是，他本來是個好人──因為XX（再交代吧，為愛情又得因為被引誘，為地球都好），所以做壞人了。（即係所謂入魔，聶風同黑武士都係咁）

於是我明白michael jackson為何要唱《Bad》了。"I'm bad!"

我更明白為何小朋友都要說自己Bad。例如苦榮說自己係大佬，仲有仲有，係Bart Simpsons也說學米高積遜說自己I'm bad, I'm bad! 。看著小朋友說自己壞，總是那麼好笑。

90年代Simpsons出過一隻Sing the blues，好聽到不得了。其中Bart仔就成日唱自己Bad，youtube真偉大，我又搵番佢出來。好幾首都好鬼死de la soul，包括呢首do the bartman。

笑到碌地。祝周末快樂。