（2010年8月10日更新）
朗讀 停止
灶君跌落鑊——精神（蒸和精同音）
老婆擔遮——陰功（功和公同音）
老公潑扇——凄涼（凄和妻同音）
豉油撈飯——整色整水（形容人很造作）
盲公食湯丸——心中有數
問和尚借梳——多余
和尚擔遮——無法無天（法和發同音）
單眼佬睇老婆——一眼睇曬
潮州佬拉二胡——自己顧自己（擬聲）
阿駝賣蝦米——大家都唔掂（因為阿駝和蝦米都是彎著腰的）
豉油辣椒醬——你想點就點（點和蘸同音）
豉油樽蓋——又鹹又濕（形容人好色）
鐵拐李踢足球—— 一腳踢（形容工作一個人全包了）
閻王殿大罷工——冇鬼用
神台貓屎——神憎鬼厭
喃無佬跌落屎坑——無曬符
番薯跌落灶——該煨（這下死定了）
飛機打交——高鬥（形容人眼角高）
非洲和尚——黑人憎
風吹雞蛋殼——財散人安落
隔夜油炸鬼——冇曬火氣
閻羅王嫁女——揾鬼要
閻羅王招工——揾鬼黎做
海底石斑——好瘀（魚和瘀同音，意思是很糗）
黑白天鵝——日哦夜哦
黃皮樹了哥——唔熟唔食
風吹皇帝褲浪——孤鳩寒（形容人很吝嗇）
火燒豬頭——熟口熟面
老公荷包——夫錢（膚淺）
冷巷擔竹竿——直出直入
麻布做龍袍——唔系果種料
屎坑關刀——文又唔得，武又唔得（文與聞同音，武與舞同音）
屎坑石頭——又臭又硬
甩頭筆——唔舍得（舍與寫同音）
十月芥菜——起心（形容女人對男人起愛意）
藤條燜豬肉——fit1到漏油（擬聲，形容衣服等很配得上人）
蘿底橙——冇人要
狗上瓦桁——有條路（形容男女有染）
飛機火燭——燒雲（銷魂）
天堂尿壺——全神貫注
老鼠尾生瘡——大曬有限（形容人的權力是有限的）
撒路溪錢——吸引死人（很吸引人）
牛皮燈籠——點極唔明
冇耳茶煲——得把口（形容人只說不做）
冇毛雞打交——啖啖到肉（形容人打架打得狠）
投石落屎坑——激起公憤（糞）
護照照片——出洋相
濕水棉花——冇得彈（無可挑剔）
阿崩叫狗——越叫越走
賣魚佬——有聲氣（聲氣和腥氣同音。聲氣，消息也，指某事有成功的希望了）
賣鯇魚尾——搭嘴（搭訕的另一講法）
鹹蛋滾湯——心都實曬
紙扎公仔——有氣無神
市橋蠟燭——假細心（心和芯同音。 清末民初時期，番禺縣市橋鎮有間做蠟燭嘅作坊，老細冇良心，為咗慳成本賺多啲錢，竟然偷工減料、粗制濫造，執番啲人哋廢棄嘅舊棉胎、爛棉衲，用啲污舊嘅棉絮搓成較粗嘅棉繩，嚟做蠟燭嘅芯。為咗掩人耳目，露出蠟燭頭點火嘅一小段燭芯，就用又白又幼細嘅靚棉紗嚟做。顧客一見，哇，芯細蠟多噃，你又買我又買。點知返去點著用嘅時候，先至知道畀人揾笨。）
豆腐佬擔梯——成左例（典出封建時代的科舉考試，那時廣州府城學宮是府試放榜的地方，學宮旁有一間豆腐店，有一次，貼榜人忘了帶梯子。名登榜首的剛好是豆腐店老板的本家，所以這老板欣然扛梯子前來幫忙，從此以後成了慣例，每次放榜，官方都要豆腐店老板扛梯，故有此說。）
洗腳不唔抹腳——係咁fing6（甩）
七個銅錢分兩份——唔三唔四
平洲奶媽——賺個肚
棺材頂燒炮仗——嚇死人
笑騎騎——放毒蛇
識少少——扮代表
周身旭——扮忙碌
有早知——冇乞兒
靜雞雞——認低威（靜悄悄的認栽給人賠禮道歉）
出嚟威——識搶咪（出來混要懂的把握機會上位）
趁佢病——拿佢命（字面是趁他生病的時候要他的命，趕盡殺絕）
奀奀腳——等人約
人工高——冇秘撈（秘撈，秘密地去做兼職也。不用做兼職也可以 賺很高的工資）
鐵木真打仔——大汗耷細汗（耷意思是打人）
阿茂整餅——無冇果樣整果樣（沒那種款式偏要做那種款式，形容多此一舉）
水瓜打狗——唔見緊桷 （意同肉包子打狗）
年三十晚謝灶——好做唔做 （年三十晚灶君是要上天庭向玉帝告狀的，實在不應該多謝他）
灶頭抹布——鹹濕 （鹹濕，下流也，鹹濕佬即是下流坯子 色情狂的意思）
壽星公吊頸——嫌命長
陳年中草藥——發爛zaa2
細佬哥剃頭——就快就快（快了快了）
肥佬著笠衫——幾大就幾大（笠，套起來，笠衫，套起來穿的衣服，其實就是T恤，幾大就幾大 ，放手一搏）
屎忽窿生瘡——冇眼睇（屎忽窿，屁眼也，睇，看也。冇眼睇，不想看下去了）
瓦檐獅子——叻到滿（再厲害也就是個裝飾）
跪地喂豬乸——睇錢份上（看錢份上忍受委屈）
床底破柴——撞曬大板（破柴即砍柴，碰大釘子了）
亞聾送殯——唔聽你支死人笛（聾子去送殯是聽不到哀樂的，死人在粵語中有語氣助詞的作用）
肥婆坐屎塔——tup tup 憾（屎塔，馬桶，tup是形容詞，意思是結實，密實，牢固）
紙扎下巴——口輕輕（說的話沒分量，或輕易許諾不可靠）
鼎湖上素——好齋 （鼎湖，廣東肇慶名勝）
火燒旗杆——長嘆（嘆和炭同音。字面的意思是火在旗杆上燒，人無可奈何，其實廣東話嘆在大多數 時是享受，如嘆世界，長嘆也就是有很長的時間去享受）
雞食放光蟲——心知肚明（雞吃螢火蟲）
山草藥——ngup得就ngup（ngup，講。講話不負責任，滿嘴跑火車）
番鬼佬月餅——悶極（moon cake）
斷柄鋤頭——冇揸拿（沒有把柄掌握，沒把握了）
貓兒洗面——系甘椅（意思一下）
棺材鋪拜神——想人死（字面意思）
周身刀——無張利（有很多技能，但沒一樣精通）
神仙放屁——不同凡響
生蟲拐杖──靠唔住（靠不住）
水兵對水手──水鬥水（自己人打自己人)
隔年通勝──唔值錢（過期貨，不值錢）
幡杆燈籠──照遠唔照近（燈下黑。照，也指關照，有時指不會做人關照疏遠的人多過關照親近的人）
三元宮土地──錫身（相傳三元宮的土地神像是用錫鑄的，錫音在粵語中有愛惜的意思）
陸榮庭睇相──唔衰摞黎衰（1916年8月間，廣西軍閥陸榮廷任粵省督軍，並曾兼任兩廣巡閱使，權傾一時。一次心血來潮，穿上一身貧苦大眾的服裝，衣衫襤褸的走進算命館“睇相”，想試探一下睇相先生的眼力以取樂，卻被相士“小神仙”一語道破天機，說他“ 唔衰摞嚟衰”。意謂他本是個顯赫一方的大官，緣何扮成窮人模樣，不衰而偏要裝成衰樣。後來人們就把好好的事情而弄到衰壞的境地謂之"陸榮廷睇相"。）
年晚煎堆——人有我有（煎堆，廣東過年食品，舊時過年每家每戶必備）
廚房階磚——鹹濕
秀才手巾——包書（書與輸同音）
十月蔗頭——甜到尾
倒掛腊鴨——油嘴滑舌
抬棺材甩褲——失禮死人（字面好理解，死在這裡也是加強性的助詞）
雷公劈豆腐——穩軟的來蝦（蝦意思是欺負，專挑軟弱的來欺負）
魚片粥——岩岩熟（岩岩，剛剛好 剛剛好熟了）
火麒麟——周身癮（周身癮，某人渾身散發著王八之氣，很囂張很欠揍的樣子）
阿超著褲——局住黎（行不通的硬來）
阿崩養貓——轉性
阿蘭嫁阿瑞——大家累鬥累
隔年通勝——唔值錢
白雲山一擔泥——眼闊肚窄
倒掛腊鴨——油嘴滑舌
啞巴食黃蓮——有苦自己知（或有苦講唔出）
孔夫子搬家——全部輸（書）
秀才遇著兵——有理講唔清
光棍佬教仔——便宜咪貪
財到光棍手——一去無回頭
丈二和尚——摸不著頭腦
禮義廉——無恥
泥水佬開門口——過得自己過得人
偷雞唔到——蝕渣米（搵唔到著數仲蝕曬底）
泥菩薩過河——自身難保
冬前腊鴨——得個睇字
濕水欖核——兩頭唧
無掩雞籠——自出自入
白鱔上沙灘——唔死一身潺
賣魚佬沖涼——無聲氣
船頭尺——度水（問人拿錢）
太公分豬肉——人人有份
老舉埋年結——算鳩數
田雞過河——各有各游
醉酒漢數街燈——不知幾盞
亞媽係女人——唔使講都知
蒙古大汗——忽必烈（被打到屁股開花）
蒸生瓜——神神地（神神地是指瓜未熟而不著牙）
無耳藤喼——靠托
海軍對水兵——水鬥水
飛機撞紙鳶——有咁啱就得咁
冷巷堦磚——陰濕
四張白紙畫個狗頭——好大嘅面子
阿駝行路——中中地（（意為甘居中游）
阿陀瞓棺材——死都唔掂
茶瓜送飯——好人有限（意思是指茶瓜的性質平和，連病人也可食用）
無星稱——唔知斤兩
無鉤稱——得把聲（聲與星同音）
菠蘿雞——靠粘
沙灣何——有仔唔憂無老婆
無鼻佬戴眼鏡——你緊佢唔緊
枕頭木虱——包咬頸
鄧穿石——陪襯嘅（伴郎又叫戥穿石。昔日農民把育成幼豬或中豬上墟集出售，豬在擔挑一端，另一端則找來相約重量的石頭，湊成擔子前後重量均勻，方便挑動，這石頭因此稱為“戥豬石”。在墟集，豬隻賣出了，那石頭也沒用了，大可捨棄不理，而這點與伴郎的作用相似。）
乾隆王契仔——周日清
生仔姑娘——話唔要又要
單料銅煲——一滾就熟
夜晚食青瓜——唔知頭定尾
烏雞啄烏豆——烏啄啄
炮仗頸——唔爆唔安落
打爛沙盆——問到篤（由於“璺”跟“問”語帶雙關，故後來一般將“璺”寫作“問”。因為沙盆破裂後，裂痕會一直到達底部，引申尋根問底的意思）
屎坑三姑——易請難送
法老王個妹——發老姣
殯儀館大減價——抵死
沙蟬跌落地——粒聲唔出
阿崩吹簫——嘥氣
啲咑佬跌利是——白谷
鼻哥窿擔遮——避無可避（避與鼻同音，無與毛同音）
隔夜茶——賭（賭與倒同音）
沒有留言:
發佈留言