亨利，好野!

唔係講阿仙奴o個個。雖然我係阿記球迷。

講緊陳亨利，即係陳志尚，quamnet research部門主管。以前每半年寫下信報，呢一年唔多見有寫。上次睇佢文章，應該係enrich出版既財經系列書，書叫名《乜乜中原》。不過呢本應該係成team人寫，屬集體「創作」。

財經節目我只聽e線，林sir唔講後，唔係每一日聽。星期一會聽下徐老闆，不過唔敢跟。今日竟然請得郁亨利加盟。雖然條友有時幾勞氣，不過夠老實，資料數字全都成竹在胸。最令我敬服係佢講明邊o的行業到09年都仲好貴，唔好追。講到外間（搵埋理由）叫人追貨的報道，佢大罵：廢話！唔用腦！矇架！

爽快爽快。做傳媒（雖然佢客串）有良心講真話好緊要。

佢呢種投資中心思想，多少係「諗清楚風險，唔好/無謂犯錯」。

嗯，都有啟示。

訪問呢度聽番（個節目有兩個鐘，記得拉去第二段─即第二個鐘新聞後）

延伸讀讀：
明報三月訪問過佢


-------------------
寫開令我諗起：
1.JT叔叔寫逍遙遊
就是莊子是一種讓人最不自由的學問；他會說，你這樣做你的心就會亂，那樣做你的心就會壞，所以你什麼事都不能做這樣，一點自由都沒有，你要自由，來學莊子你找錯人了，它是全世界最不自由的學問，這樣懂嗎？生氣也不行，難過也不行，連人家說你好你高興也不行，一點自由都沒有，這叫逍遙。

按：遙逍遊是一本教你在人生中不要犯那些錯的經書。

2.太極拳
不犯錯，不投機。學耍拳前先學行路，即係點落胯，一步一步的行走。跨步，係講落胯後把腿放出，腳放盡，跨到幾多又舒服就為之一步，別貪多，最緊要自己中正安舒，人人的步都不同。

3.股神伯伯講兩大投資原則：
第一是避免虧損，第二便是不要忘記第一條。


這不都是同一種思想嗎？人生懂刪除法，知道不做那些東西，其實就注定要成功了。


*E線仲話林Sir七月出新書喎。好！