遺願

復活節那天，收到通電話，外公唔得了。

下午約三點三，正把工作速速完成時，他已經去了。趕不及見他最後一面。

其實我唔係幾見得那種「最後一面」的場面，一圈人圍在一起的，又其實無人幫到佢，大家只有沉重的呼吸聲。該哭嗎？他都87歲了，心臟弱、腎又話衰竭。結果醫生話乜都做唔到，都最惟一做到的，就是家屬同意下可以試一隻新藥。

醫生咁講得，即係其實無信心，藥用了，有乜就你地家屬負責。

一班無醫藥專業知識的婦人（我媽共七姐妹），只好答應，還好用了後外公舒服了。臨去前迴光返照，還說了些話：想O係香港殯儀館搞（即北角，貴近一倍），要搞得好好睇睇，唔好失禮云云。又同某某女兒講，你要咁咁咁，否則阿第N個女兒唔會應承。神智清醒到不得了。

在人生最後最後的階段，也許我該修正自己對西藥的看法。就是：還豎都死的情形下，要減少痛苦的話，用西藥的確是乾脆一點。

－－－
小市民的遺願，不外乎想見見誰人。大有錢佬富婆，想的就會遠一點。

大富婆生前被公認是孤寒成性，去世前遺願竟然是把十億捐出去。有口痕友話：其實佢都係唔想畀家翁O者。我認為其中一個原因是「人死留名」，比較不愚蠢的大有錢佬（除了李實發吧），都知道有錢佬在歷史上從來沒有人可以留名於世。做善事，而且是當代驚世的善事，才能免除在世上，留個臭名。

富婆兩公婆孤寒聞名於世。據某某前警察說：黃先生被綁架時，警察需派人到其住所駁線偷聽等很多工作，甚至要在那裡輪班過夜。黃家是怎麼對待那幾個警察呢？差人需24小時監聽，不能外出，結果肚餓了，沒人煮飯餓到飛起。第二天惟有自備公仔麵，問過主人「借個火來」，在廚房煮了起來，主人說「好呀」，然後「聞到飯香」，反問差人：「好香O番。不如煮個來食下。」這種故事在市面流傳很多。

某某前差人說：另一位大富豪被綁時，差人到他家中，是招呼他們坐到廳中吃著其家中的鮑參翅肚的。

我相信富婆是有善心的，不過無兒無女無所牽掛。把錢全捐出去，留個善名，再好不過了。