品牌

看昨天方卓如的文章，感覺是他再執筆後最實淨的一篇。但也許有遺漏有bias，因為寫生果後，其實我不是每天看。起初佢又話「想試下其他寫作方法」（大意），sorry真係睇唔到，在太mass的媒體寫文章可能壓力大，睇親都覺得質素下跌得太多了，我寧願睇佢以前無啦啦寫低質（又沒有愛情感覺的）辦公室愛情故事。

講番昨天的文章內容。閱後方知道在大陸，辦報可有作為。

當然，政府政策無從估計。要管，其實你半步難移。

與香港不同的，是內地人很餓很餓，對所需資訊很願意付錢購買。而我們則供應太多，太多免費（又垃圾）的資訊，可統稱噪──例如巴士上的roadshow。

其實看多了這些，人會變蠢的。

印刷媒體根本無growth。要做大做強，我相信不是要做mass，而是要unique。用林sir語言則是「市場專利」。無記錯去年惟一讀者人數有增長的是人言報。

免費報紙出現後，最賺錢的報業，都進退失據，生果去年上半年業績，比前年賺少了一半；對手西方仲好笑，去年中期業績跌98%，賺得幾百萬。

所以阿肥佬，唔好再話為左民主，少左二億廣告收入了。根本全行都跌緊。而且你為左賺錢，又做得陰質野少咩？當年生果賺大錢，你本來諗住「從良」，摺左個夜生活（鹹版），點解未幾又開番起？咪係因為影響到銷量？這個影響到的銷量，又是否會令生果倒閉？

如果你不覺得鹹版做法有問題，不會想摺了它吧。咁快又開番，錢作怪吧。

其實我覺得有鹹版真係無問題。我細個睇唔少東方的「阿妹打油詩」、鹹濕古仔，仲愈睇愈精靈。叫雞指南才是問題。把任何人的慾望，都消費化陳列貨架上，才成全了這個影響現世價值的大魔頭。

據不同的source都告訴我說：便利要改名了，正在做新logo。我估就梗唔係改名啦，咁搞一定係執書重新埋班出本新書。其實建立一個品牌很不容易，肥佬當年搞giodano都花了很多時間心機吧。點解要等到便利搞成神憎鬼厭？真係無第二條路行？

壞了一條副線，成個品牌都有壞影響吧。大樹不是一天長成的。

我記得當年我仲讀緊書，都睇便利。那時候，這不過是本指南式年輕人雜誌。賣幾蚊雞，告訴你有乜節目有乜潮流玩意。當便利要摺這一日來臨，我相信從前的那班開荒牛，看著看著，一定很難過很難過。