荒島，生物球，扮上帝

從前幾個賤賤格格的男生（我自然有份），無聊時總會說無聊笑話：如果得你同XX在荒島上，你食唔食得落先？

XX當然不是絕色美女。

無得揀，就係無得揀。

無得揀時，我相信人同蝦，其實一樣。蝦從虫部，也其實就只是一條虫。

來做個實驗：

扮演上帝，先製造一個地球（所謂的生物球biosphere，即closed eco system，如地球=60%水、30%空氣、1%土、有植物，就養到生物)，然後我放一男一女落去，睇下佢地會唔會做阿當夏娃──偷食禁果先。（我這個上帝當然知佢會搞啦，但唔會判佢原罪喎。仲希望佢地百子千孫添）



我話，無得揀呢，其實人與禽獸一樣。

有得揀呢，人的選擇、際偶往往很難解釋──不可思議得難以解釋。

近日遭偶令我相信上天已寫好了劇本（或是早寫了在我們血內），只等我們好好演出。這個大的生物球外，可能也有對眼睛睇實我，一舉一動。