7月影話快餐

電影：男兒本色
內容：爆炸動作爆炸再動作再爆炸。
點解好睇：砰砰砰，唔使用腦。
點睇唔好睇：砰砰砰，唔使用腦。
簡評：故事犯駁，動作清脆有力。謝霆鋒繼續扮有型，余文樂繼續扮老成，房祖明繼續扮純情。除左謝生太扮野有點嘔外，其他計算其實幾準。

電影：索女、喪屍、機關槍
內容：真係就係索女、喪屍、同機關槍，仲有好多低B笑話、血肉橫飛、幽默、CG扮low fi特技、好多好多子彈、70年代情懷、同埋好鬼bio hazard
點睇好睇：真係做到「玩」70年代B級片。好多好多元素，順手拈來亦有（不算太神來的）神來之筆
點睇唔好睇：會唔會係你無乜幽默感？
簡評：哈哈哈哈哈（我在戲院內反應）

電影：玩命、飛車、殺人狂
內容：完全模仿70年代飛車片如Vanishing point
點睇好睇：因為你睇完索女未夠喉，睇呢套覺得佢都幾瘋狂。在戲院尾段「高潮」有不少人拍手掌（係咪前面悶得太耐？）
點睇唔好睇：真係太多太多口水，老塔倫天勞o的口水gag今次曳左好多。更重要係：成套片真係照玩70年代飛車片，乜都無多畀你。總之不問情由殺人、尋仇、飛車、玩命、打、完。
簡評：無玩味，唔想評。無乜好評。