忽：被寫成「風水界恥辱」，怎樣面對？
麥：嘩，那是一個很強烈的控訴！我口快講錯，又懶不看playback，是我不對，但有沒有必要將件事寫到咁大？這一刀切得好痛，是超乎正常程序的重手。那個記者呃我出來影相張，事前又不讓我回應，這對我好不公平。那本周刊有人跟李丞責是老友嘛，這樣打擊我，居心好明顯，是想我無得在這行立足。他送給丞責這份「結婚禮物」，真的做得好好！
我只學過基本風水課程，不是要評論各人水準，不過覺得（也是我口頭襌）：呢個根本係演員時代，財經界有演員，風水界何嘗沒有，政界呢？講真全港從政的要數真正在做事唔係在做騷的，真係屈指可數。又不過，佢話自己口快快，當然係藉口，南北就如天地，你做天文台的會不會天地不分，講錯呢？這個excuse，不如話自己當日食左忽得仲可信啦。
同行家講開，佢話：扯，係人都知佢無料到，之不過佢同傳媒關係好，逢call必覆。
其實這正是全霉的悲哀，o個o的所謂傳媒寵兒，說穿了，不過是因為趕住交稿，而你又好知道遊戲規則，知道要答乜，又逢call必覆，咪用你囉。就咁明知你無料/未夠料都捧左你上位，下次又搵你。因此術數界常有「有料唔出名，出名無料到」之說。財經界何嘗唔係？
甚至明知你係個契弟，都要用你。這亦是我心底覺得全霉仿如邪教的原因。我們在傳播著一o的乜野價值觀了？
行家朋友講了一個真實故事。
她身處的主流傳媒去年做了一個專題，比較各出名「玄學家」的運程書銷量、質素等等，當中到訪報攤等等做粗略點算，得出答案，竟然是某某李姓「玄學家」排行最尾。本來此等全霉遊戲，個個星期都有刊出，未知該「玄學家」是否沒有算到自己有此一「劫」，竟然怒髮衝冠，打電話到機構去。
「佢一開聲就話要告個記者，又話會記住個記者名，以後無論佢去到邊間機構做，就追到佢去邊，因為佢話自己識得好多傳媒高層，佢會直接去卜佢！」
下？真係咁講？去搞一個O岩O岩入行的記者妹？
「係呀，佢仲真係已經打左電話去畀總編輯，當然總編輯唔會同佢傾，就轉左個電話落來。結果我同佢講左好耐電話，惟有一路耍佢。」
「其實，佢最熟咪係X周個副總編輯。」此副老總是他的小學同學，眾所周知。後來此事也就不了了之了。
究竟我們每天在媒體裡看到的明星/演員們，是些甚麼人了？
沒有留言:
發佈留言