誤會

誤會是一樣很有趣的東西。

例如認識一個好女孩，你會很想她誤會你是好的，誤會你文武全才、搵到錢、又有才華有品味識講笑又專一仲曉炒菜又無女朋友。

但大部份時候我們還是不想人家誤會。

例如電影之中，就說蜘蛛俠好了──英雄大受歡迎後，總有段戲是有人誤會了蜘蛛俠是壞人，「佢呀其實有所圖架。」

現實生活中，通常是我們認為人家誤會了，「其實我唔係咁架！你誤會左喇。」諗真，可能對方比你看得更真，你其實係個仆街。

不過呢，原來原來，最使人害怕的是有人誤會你很好很好。A的朋友B告訴你，話覺得你好好（內容好到你面紅，內麻、不謷），但其實面紅後你內疚，幾天都不大安樂。A叫B咪同你講。你同A不熟，去解釋又有點那個。同B熟，B直接講：喂，我又唔覺你咁好喎！

惟一安慰是自己都仲有少少良心。