抄抄抄抄

製作出色，個人覺得不比福佳遜色。




有心人仲為雷生整左個「抄歌全紀錄blog」，不過最新呢首竟然未updated，而且舊歌之中比較多死link。再公道句講，唔係首首似。
如果講似，個人覺得陳奕迅首怕死 嫌疑不可謂不大，講抄實在是雷生代表作（當年醫神轉公司，我都好唔明佢點解要群雷生了），原曲Sing Alone在這裡。可恥嗎？不可恥嗎？

－－－

其實倫永亮說得對，音樂要有八成似才叫抄襲。法律上，好像是三個bar內有八個音一樣（不確定）。法律就是如此，確確實實，有根有據。

所以法律上話雷生抄襲，不成立。

但咁講，其實即係話咬佢唔入矣。近日tvb的劇本不是被直指狂抄西洋劇嗎？其實也告他不入，有誰會蠢到連續抄人三五段一模一樣了。佢蠢o者，唔係傻嘛。

他抄的主要是編排。稍有常識都知道是擺o係側邊睇住來照執，形式上是一模一樣的。

過去市民沒有辦法，看到抄襲電視劇就說句「免費娛樂，算啦」。但唱片要畀錢又如何？從前仲叫做畀錢買個版權返來做改編歌，如今，想聽，好多人因此download來聽而唔覺得有罪疚感，心諗：「你都唔認真做，呃秤o者！」，又，甚至係唔Q聽你canto pop又如何？

其實同「福佳事件」一樣。係，你馬力講乜我無你辦法，你大陸要唔畀民主我我小蟻民亦無計，但家下我都有個平台，一班人花點腦力時間就執你一劑。

等你以為小市民無你辦法。係，係無辦法，但我地仲死剩把嘴。